दोस्तों कश्मीर से अनुच्छेद 370 हटि गै .. पूरा देस मोदी अउर अमित शाह का गुणगान करि रहा.. हमरे सामने की बात आय.. झूठ काहे बोलि.. मोदी जी अमित शाह से कहिन ए छोटे!! .. तो अमित शाह बोले हां बड़े!! मोदी जी कहिन हम दुइनो अबकी सावन हर सोमवार का बवाल किये हन.. तो सोच रहे हन कि अबकी सोमवार का ‘पीओके’ भी घसीट के भारत मा मिला लेई का? .. सुना है ई बात का पता चलते ही पाकिस्तान मा इमरान खान तुरंतै चार पांच पंडित लोगन का बुलाय के पूछिन कि जनाब ई सावन केर महीना मा अभीन कित्ते सोमवार बचे हैं?
ई बात पे जरीब चौकी वाले संकठा हमसे कहे लाग कि भईया ई अमित शाह तो बहुतै जबर आदमी आय .. हम कहा हां.. हमका याद आय बचपन मा जौन लौंडा पतंग लूटे के चक्कर मा जब झगड़त होत रहा तो पतंग फाड़ के सारा मामलाहे खतम करि देत रहा.. ई अमित शाह वही टाइप केर आदमी आय.. तबहीं रानी घाट वाले बैजनाथ बोलि पड़े सुना है बिहार के नितीश कुमार रिसियावत रहैं कि कश्मीर से अनुच्छेद 370 हटाय से पहिले हमसे एक्कौ बार मशवरा नाहि किहेव ..
हम कहा हां.. जइसे उई बिहार से दारु बंदी करे से पहिले सबै शराबी लोगन से बड़ा मशवरा कीन रहैं.. तबहीं हर्ष नगर वाले पुत्तु बोलि पड़े कि अनुच्छेद 370 तो खतम हुई गे.. बस अब मोदी जी काला धन वाला 15 लाख अकाउंट मा डलवाय दें तो हमहूं कश्मीर मा एक प्लाट खरीद लई .. हम कहा ये लेव.. अब वहु लोगे कश्मीर मा प्लाट खरीदे की बात करि रहे हैं जौने हिंया कश्मीरी सेब केर दाम सुनि के केला खरीद लेत रहे.. इस पे संकठा बोले हां.. जिनके घरन मा लैट्रीन भी ‘प्रधानमंत्री योजना’ मा बनि आय..
वहु लोगे कश्मीर मा जमीन खरीदे की बात करि रहे.. इस पे चंदारी वाले मनोहर बोले यार ई 370 का बड़ा जोर चलि रहा.. बताव कल हम आपन मेहरारू से 2000 के नोट का छुट्टा मांगेन तो उई हमका 1630 रुपया देहिस.. कहिस 370 तो खतम हुई गे.. जवाहर नगर वाले संतोस कहिन यार ई 370 हटे के बाद पाकिस्तान बौखलाय गवा आय.. मोदी जी अउर अमित शाह के ई ‘जॉइंट वेंचर’ से हुंवा पाकिस्तान मा बहुतों के दस्त चालु हुई गे.. हम कहा हां.. पहिले हमेसा 15 अगस्त अउर 26 जनवरी पे पूरे भारत मा हाई अलर्ट होत रहा..
ई पहिली बार आय कि अबकी 15 अगस्त पे पूरा पाकिस्तान हाई अलर्ट पे होई.. तबहीं पांडू नगर वाले पंथु बोले यार सुने हन ई पकिस्तान यही बात से खौरियाय के भारत से 125 अरब केर आयात निर्यात बंद करि दिहिस!! इस पे संतोस बोले ई तो वही बात हुई गे कि हमरे मोहल्ले मा साइकिल केर पंचर बनावे वाला कहे कि आज के बाद हम ‘अम्बानी’ के साथ कौनो धंधा ना करब.. हम कहा हां.. पर उई पग्गल पाकिस्तानियन का ई नाही पता कि हम कनपुरिये साल भर मा 150 अरब का तो खाली गुटखा खाय के थूक देत हैं..।
