पहिली बार ऊ लड़की का छुट्टी मिली.. जो कहत रही यात्रीगण कृपया ध्यान दें- राजू श्रीवास्तव

दोस्तों लागत है कि यो साल केवल एक बनियान अउर हाफ पैंट मा ही निकरि जाई!! सब पंचे घरे बईठ हैं.. गली मुहल्लन मा सन्नाटा पसरा आय.. अइसेहे एक बंदर एक कुत्ता से पूछिस ‘यार एतना सन्नाटा काहे है भाई?’.. कुत्ता जवाब दिहिस ‘अरे चाइना वाला चमगादड़ सबका उल्टा लटकाय दिहिस’.. अब ई लॉकडाउन मा सब पंचे घरे बईठे टीवी देखि देखि के ज्ञानी बनि रहें..

तो जो ‘महा-ज्ञानी’ न्यूज देखि के 10 मिनट मा हमका फॉरवर्ड करि देत हैं.. उन सबै से हम कहे चाहित है कि हमहूं घर मा खाली बईठे न्यूज ही देखि रहे हन.. कृपा करि के आप जादा रिपोर्टर बने की कोसिस ना करैं.. वइसे भी हमाय बचपन का दौर वापस आय गवा है.. अरे दूरदर्सन पे सुबह साम रामायण चलि रही.. अउर कोऊ कोऊ के हिंया दूरदर्शन पे रामायण देखत भये उनके बुजुर्ग आगे की कहानी अईस सुनावत हैं कि जइसे उई खुदै वानर सेना मा रहैं..