{"_id":"5c32eee7bdec2256b9144fff","slug":"comedian-raju-shrivastava-statement-about-kapil-sharma-marriage","type":"photo-gallery","status":"publish","title_hn":"'कपिल शर्मा केर सादी पार्ट-2.. सुदेशवा रिक्शा अउर टंपो वालेन का दे आवा न्यूता'","category":{"title":"City & states","title_hn":"शहर और राज्य","slug":"city-and-states"}}
'कपिल शर्मा केर सादी पार्ट-2.. सुदेशवा रिक्शा अउर टंपो वालेन का दे आवा न्यूता'
Mon, 07 Jan 2019 12:02 PM IST
शिखा पांडेय
यूपी डेस्क, अमर उजाला, कानपुर
यूपी डेस्क, अमर उजाला, कानपुर
Published by: शिखा पांडेय
Updated Mon, 07 Jan 2019 12:02 PM IST
विज्ञापन
डेमो
खबरें लगातार पढ़ने के लिए अमर उजाला एप डाउनलोड करें
या
वेबसाइट पर पढ़ना जारी रखने के लिए वीडियो विज्ञापन देखें
अगर आपके पास प्रीमियम मेंबरशिप है तो
दोस्तों पिछली दफा हम बताये रहेन कि हम कॉमेडियन कपिल शर्मा केर सादी मा खूब तैय्यार होय के गए रहेन.. हुंवा बढ़िया इंतिजाम रहा.. खाय पिए अउर पहिरे ओढ़े केर बम्पिलाट इंतिजाम रहा.. गुरु दूर दूर तक खाना लगा रहा.. देसी बिदेसी खाने केर भी बिराईटी रही.. अब हम ठहरे पक्के कनपुरिया.. हमरे समझ में ना आय.. तो हम एक काउंटर पे जाय के पूछा कि ई कौन टाइप केर खाना है?.. तो उई बताइस कि ई पास्ता होय.. हम कहा यार जान पड़त है ई कौनो दवाई का नाम होय.. फिर दूसर काउंटर पे पूछा कि भईया ई का है?.. तो उई बताईस कि ई इटालियन फूड होय.. हम कहा अच्छा.. इटालियन.. मतलब मार्बल पीस के डाले हौ.. का सोनिया जी के मायके से आवा है का?..
डेमो
हम कहा भगाओ बे.. आपन हिन्दुस्तानी खाना चौकस है.. लेकिन दोस्तों हम सादी बियाह पर एक बात नोटिस किये हन कि कौनो के हिंया सादी बियाह का खाना होत है तो उई दिना पलेट बहुत छोटी लगत है.. एका तसला के बराबर होय के चाहि.. खैर हम हुंवा खाना खात रहे कि तबहीं चिल्ल-पों मचि गे.. कि कौनो कपिल शर्मा केर जूता चोरी कई दिहिस.. कोऊ कहिस अरे जूता चुराई हुई गे.. जूता चुराई हुई गे.. बाद मा पता चला कि दीपिका पादुकोन अउर आलिया भट्ट दुइनो कपिल की दुल्हन गिन्नी केर सहेली बनि के कपिल का जूता चुराई करि डालिन.. दीपिका कपिल से काहे लागीं कि जूता वापस चाहि तो 11 लाख देव.. हम कहा अरे!!.. जूता चोरी करे पे पइसा मिलत है !!..
डेमो
हम बचपन मा एक बार जूता चुरावा रहा तो मार पड़ी रही.. हम दीपिका से कहा तुम इत्ते पइसा वाली हौ तबहूं जूता चुराय रही हौ.. तुमका सरम नाही आवत.. तो दीपिका हमरी बात पे सरमाय गयीं.. तबहीं हमका बप्पी लाहिरी कान मा बताय कि ई जूता चुराई एक रसम होत है.. हम कहा आप कहत हौ तो मान लेब.. काहे से इत्ता सोने केर जेवर पहिन के आप झूठ नाही बोलिहौ.. खैर फिर हुंवा ई कि सुदेश लाहिरी अउर भारती सिंह घपड़चौथ करि दीन.. इन दुइनो से कपिल शर्मा कहे रहा कि देखे रहेव सब महिमान खाना खाय के जांय.. ई सुदेशवा इस बात का बहुत गंभीरता से लई लिहिस.. ई पूरे पिंडाल मा सबके पास जाय जाय के कान में कहे लाग कि खाना खा के जायेव .. खाना खा के जायेव ..
विज्ञापन
विज्ञापन
डेमो
बताओ हरभजन अउर दलेर मेहंदी भांगड़ा करत रहे.. ई पग्गल उछल उछल के उनके कान में कहि रहा कि खाना खा के जायेव.. चलो महिमानन से कहिस कौनो बात नाही.. ई लब्भड़ बैंड बाजा वालन से अउर घोड़ी वाले से भी कहि आवा कि खाना खा के जायेव .. अउर तो अउर ई कहत कहत बाहर रोड पे निकल गवा.. हुंवा रिक्शा अउर टेम्पो वालन से भी कहि आवा कि खाना खा के जायेव .. फिर वही सब लोग भरभराय के पिंडाल मा घुसि आय अउर खाना खा के गए.. पता चला डोंगा इधर पड़ा है तो पलेट उधर पड़ी है.. अउर फिर खाना कम पड़ गवा.. फिर नवाजुद्दीन सिद्दीकी दिमाग लगाईंन..
विज्ञापन
डेमो
उई नाना पाटेकर से कहिन कि नाना भाई दुई बाल्टी पानी लई आव.. तो नाना पाटेकर कहिन काहे इत्ती रात मा ठंडी मा तुम नहइयो का?.. तो नवाजुद्दीन कहिन कि हम दिन मा तो नहाईत नाही हैं.. तुम रात मा नहाए की बात करत हौ.. अरे नाना भाई आप दुई बाल्टी पानी लाव तो.. फिर नाना पानी लाय तो ई नवाजुद्दीनवा ऊ दुइनो बाल्टी पानी दाल अउर कढ़ी के भगोना मा डाल के मिलाय दिहिस.. तब जाय के सब महिमानन का दाल अउर कढ़ी मिली..
