भोजपुरी छठ गीत –जय हो सुरुजदेव
उगते सुरुजदेव दुनिया भोर होई जाला
दूर दुख अँधियार सगरो शोर होई जाला
जय हो सुरूज़ देव तोहार हमेसा जय हो
जगवा मे केहु नईखे तोहसे साक्षात देवता
आ गईली छठ तोहकेअब देई हम नेवता
जब आवेला सबकर मन बिभोर होई जाला
उगते सुरुजदेव दुनिया भोर होई जाला
जय हो सुरूज़ देव तोहार हमेसा जय हो
जिनगी मे बसल हमरो घोर अन्हीअरवा
उगा हो सुरुजदेव तनी करा उजिअरवा
तोहरे दया दीनानाथ दुख केवनों ओर होई जाला
उगते सुरुजदेव दुनिया भोर होई जाला
जय हो सुरूज़ देव तोहार हमेसा जय हो
हम हई नादान भगवान तोहके मानिला
देई हम अरघ गुणगान तोहरो करीला
चरण पखारी नतमस्तक सिर मोर होई जाला
उगते सुरुजदेव दुनिया भोर होई जाला
जय हो सुरूज़ देव तोहार हमेसा जय हो
श्याम कुँवर भारती ,महासचिव
- हमें विश्वास है कि हमारे पाठक स्वरचित रचनाएं ही इस कॉलम के तहत प्रकाशित होने के लिए भेजते हैं। हमारे इस सम्मानित पाठक का भी दावा है कि यह रचना स्वरचित है।
आपकी रचनात्मकता को अमर उजाला काव्य देगा नया मुक़ाम, रचना भेजने के लिए यहां क्लिक करें