बोलो पोवारी : पोवारी ठाट मा
बिजोरा मा बोलों।
फलदान मा बोलों।
बोलों आपली मातृभाषा ,
बोलों पोवारी ठाट मा।।
लगून मा बोलों।
बरात मा बोलों।
बोलों आपली मातृभाषा ,
बोलों पोवारी ठाट मा।।
मूठ सोड़ाई मा बोलों।
डेंढ़ो मांदी मा बोलों।
बोलों आपली मातृभाषा ,
बोलों पोवारी ठाट मा।।
संगी भाई मा बोलों।
रिश्तेदारी मा बोलों।
बोलों आपली मातृभाषा ,
बोलों पोवारी ठाट मा ।।
मातृभाषा मा बोलों।
मातृभाषा मा लिखों।
बोलों आपली मातृभाषा ,
बोलों पोवारी ठाट मा।।
कविता मा लिखों।
किताबों मा लिखों।
लिखों आपली मातृभाषा ,
लिखों पोवारी ठाट मा।।
ठाट बाट लक लिखों।
स्वाभिमान लक लिखों।
लिखों आपली मातृभाषा ,
लिखों पोवारी ठाट मा।।
-ओ सी पटले
- हम उम्मीद करते हैं कि यह पाठक की स्वरचित रचना है। अपनी रचना भेजने के लिए यहां क्लिक करें।
विज्ञापन
कमेंट
कमेंट X