सदा के आखी क तारा बन गइलू हो तू

                
                                                         
                            ओ री चिरैया
                                                                 
                            

                                                                 
                            
नन्हकी गौरैया
                                                                 
                            

                                                                 
                            
अबकी अंगनवा
                                                                 
                            

                                                                 
                            
काहे के नाही देखायलू हो तू ?
                                                                 
                            

                                                                 
                            

                                                                 
                            

                                                                 
                            
खेत-कियरिया
                                                                 
                            

                                                                 
                            
गेहूं के बलियां
                                                                 
                            

                                                                 
                            
काहे के ई बरस
                                                                 
                            

                                                                 
                            
दाना चुगे ना अइलू हो तू ?
                                                                 
                            

                                                                 
                            

                                                                 
                            

                                                                 
                            
जेठ-दुपहरिया
                                                                 
                            

                                                                 
                            
कसोरा में हम रखी पनिया
                                                                 
                            

                                                                 
                            
काहे के अबकी
                                                                 
                            

                                                                 
                            
पियासल नाही हो तू ?
                                                                 
                            

                                                                 
                            

                                                                 
                            

                                                                 
                            
हमार माई के दुअरिया
                                                                 
                            

                                                                 
                            
आउर हमरे बाबा के मुंडेरवा
                                                                 
                            

                                                                 
                            
काहे के नाही
                                                                 
                            

                                                                 
                            
फुदकत-मंडरात मिले अइलू हो तू ?
                                                                 
                            

                                                                 
                            

                                                                 
                            

                                                                 
                            
बचपने के लड़कोइया
                                                                 
                            

                                                                 
                            
सयान भये खेली अठखेलिया
                                                                 
                            

                                                                 
                            
हमेसा संग परछाई बनल रहलू हो तू ।
                                                                 
                            

                                                                 
                            

                                                                 
                            

                                                                 
                            
जिगरे के बतिया
                                                                 
                            

                                                                 
                            
अब केसे कही हम सखिया
                                                                 
                            

                                                                 
                            
एक ठे कहे के आपन रहलू हो तू ।
                                                                 
                            

                                                                 
                            

                                                                 
                            

                                                                 
                            
बीत गइले फगुनवा
                                                                 
                            

                                                                 
                            
बौरा गइली अमिया
                                                                 
                            

                                                                 
                            
हरियरे निमिया के डरिया
                                                                 
                            

                                                                 
                            
पे चहके नाही अइलू हो तू ।
                                                                 
                            

                                                                 
                            

                                                                 
                            

                                                                 
                            
मेड़-ड्योढ़िया
                                                                 
                            

                                                                 
                            
सूप-ओखरिया
                                                                 
                            

                                                                 
                            
सब-के-सब सून कर गइलू हो तू ।
                                                                 
                            

                                                                 
                            

                                                                 
                            

                                                                 
                            
भइल बिहनवा !
                                                                 
                            

                                                                 
                            
छोड़ देलू मुंडेरवा,
                                                                 
                            

                                                                 
                            
उड़ चलू अकसवा
                                                                 
                            

                                                                 
                            
सदा के आखी क तारा बन गइलू हो तू ।
                                                                 
                            

                                                                 
                            
- सुषमा सिंह
                                                                
                
                
                 
                                
                                            

                        - हम उम्मीद करते हैं कि यह पाठक की स्वरचित रचना है। अपनी रचना भेजने के लिए यहां क्लिक करें।