आशा पांडे ओझा की पांच लोकप्रिय राजस्थानी कवितायें

                
                                                         
                            म्‍हारी गीगली
                                                                 
                            

                                                                 
                            

                                                                 
                            

                                                                 
                            
पगलियां में गूहारिया घमकाय‘र
                                                                 
                            

                                                                 
                            
घर आंगणै धमचक मचावती
                                                                 
                            

                                                                 
                            
कदै डागळां रै माथै
                                                                 
                            

                                                                 
                            
कदै घर रै बारणै
                                                                 
                            

                                                                 
                            
तुळसी सींचती
                                                                 
                            

                                                                 
                            
दैव आल्यां दीवला जोवती
                                                                 
                            

                                                                 
                            
जद कदै भीज जांवती
                                                                 
                            

                                                                 
                            
म्हारी आंख्यां
                                                                 
                            

                                                                 
                            
मुळक -मुळक निचोंवती
                                                                 
                            

                                                                 
                            
फिरती- घिरती जाणै कद
                                                                 
                            

                                                                 
                            
निपटाय देवती
                                                                 
                            

                                                                 
                            
घर बारणां रा सगळा काम
                                                                 
                            

                                                                 
                            
कदै म्हारी मा बण हुकम झाड़ती
                                                                 
                            

                                                                 
                            
मा थूं कर आराम
                                                                 
                            

                                                                 
                            
छिण-छिण
                                                                 
                            

                                                                 
                            
लाड रै झिकोळा में
                                                                 
                            

                                                                 
                            
झिकोळी इणनै
                                                                 
                            

                                                                 
                            
हर दीठ-कुदीठ सूं
                                                                 
                            

                                                                 
                            
राखी लुकाय-लुकाय
                                                                 
                            

                                                                 
                            
घणी लाडां-कोडां सूं
                                                                 
                            

                                                                 
                            
पाळी इणनै
                                                                 
                            

                                                                 
                            
आज पूरी पंदरा बरसां री
                                                                 
                            

                                                                 
                            
हुगी म्हारी गीगली
                                                                 
                            

                                                                 
                            
आगला कीं बरसां मां
                                                                 
                            

                                                                 
                            
परणा उणनै
                                                                 
                            

                                                                 
                            
अर करणी पड़सी पराई
                                                                 
                            

                                                                 
                            
काळजौ सात हाथ बारणै आग्यो
                                                                 
                            

                                                                 
                            
फगत इण बीचार भर सूं
                                                                 
                            

                                                                 
                            
ढाबियोड़ा नीं ढब रिया
                                                                 
                            

                                                                 
                            
आंख्यां रा बादळ।
                                                                 
                            

                                                                 
                            

                                                                 
                            

                                                                 
                            
रतेलियो 
                                                                 
                            

                                                                 
                            

                                                                 
                            

                                                                 
                            
सूख्योड़ी लकड़ियां रै जेड़ा
                                                                 
                            

                                                                 
                            
चर ‘र-चर ‘र करता थकां हाडका
                                                                 
                            

                                                                 
                            
सूख ‘र पाका पड़ियोड़ा खजूर री
                                                                 
                            

                                                                 
                            
पाकी पड़योड़ी पत्तियां जैड़ी
                                                                 
                            

                                                                 
                            
ही उणरै मुंडा री झिरियां
                                                                 
                            

                                                                 
                            
बिरखा में
                                                                 
                            

                                                                 
                            
छैटी-छुटियोड़ी छीणा रै
                                                                 
                            

                                                                 
                            
बीचाकर टिपकता पाणी
                                                                 
                            

                                                                 
                            
सीरखी टिपक-टिपक टिपकती थकी आंखियां
                                                                 
                            

                                                                 
                            
अर उण रै में फोड़ा रै मवाद सो
                                                                 
                            

                                                                 
                            
भैळो हुयौड़ो पीळौ-पीळौ मैल
                                                                 
                            

                                                                 
                            
भीज-भीज ‘र पाछी सूख्यिोड़ी
                                                                 
                            

                                                                 
                            
धूड़-धूसरित भींता जैड़ी
                                                                 
                            

                                                                 
                            
झड़-झड़ झड़ती काळा कट
                                                                 
                            

                                                                 
                            
होंठां माथली पापड़ी
                                                                 
                            

                                                                 
                            
कीणी मोटर रै हैठै आय ‘र
                                                                 
                            

                                                                 
                            
पिचकीजियोड़ी रबड़ री
                                                                 
                            

                                                                 
                            
सीसी सरीसी कुड़सी रै हथा सरीसी
                                                                 
                            

                                                                 
                            
अठी उठी माडांई हिलता डुलता उण रा हाथ
                                                                 
                            

                                                                 
                            
पुराणा ढोलिया रै पागां जैड़ा
                                                                 
                            

                                                                 
                            
डिग-मिग, डिग-मिग करता थकां पगल्यां
                                                                 
                            

                                                                 
                            
रासण रै चावळा जैड़ा
                                                                 
                            

                                                                 
                            
धोळा, पीळा गूबळा उणरा केस
                                                                 
                            

                                                                 
                            
कोई बरसां बरस पैली
                                                                 
                            

                                                                 
                            
खेत री रूखाल सारू
                                                                 
                            

                                                                 
                            
बणाया थकां अड़वा रै
                                                                 
                            

                                                                 
                            
गाबां सरीसो हो उणरौ पैराण
                                                                 
                            

                                                                 
                            
बात-बात में हंसतोै थकौ
                                                                 
                            

                                                                 
                            
भीजोय लैंवती आंख्यां
                                                                 
                            

                                                                 
                            
मियाद बारै हुयोड़ी
                                                                 
                            

                                                                 
                            
सेवन सीज री गोळियां सरीसा
                                                                 
                            

                                                                 
                            
हा उणरा केसरिया कट दांत
                                                                 
                            

                                                                 
                            
बुइियोडा मुंडा माथै
                                                                 
                            

                                                                 
                            
लरेक घड़ी झुपती बीड़ी
                                                                 
                            

                                                                 
                            
इयांन लागती
                                                                 
                            

                                                                 
                            
जाणै कोई निपट अमावस री
                                                                 
                            

                                                                 
                            
काळी सूनी रात में
                                                                 
                            

                                                                 
                            
झपझपाय रियो एकलो मंगळ तारो
                                                                 
                            

                                                                 
                            
बीस रूपिया मइना पर घर हिसाब सूं
                                                                 
                            

                                                                 
                            
करण आवतो हो बो
                                                                 
                            

                                                                 
                            
म्हाणै गवाड़ री रूखाली
                                                                 
                            

                                                                 
                            
राम जाणै कुण करतो हुसी
                                                                 
                            

                                                                 
                            
उण गरीब री रूखाळी
                                                                 
                            

                                                                 
                            
कोई तीस बरसां पछै
                                                                 
                            

                                                                 
                            
आज क्या आय उबियौ
                                                                 
                            

                                                                 
                            
म्हारी आंख्यां आगै
                                                                 
                            

                                                                 
                            
रतैलियो।
                                                                 
                            

                                                                 
                            

                                                                 
                            

                                                                 
                            
कैड़ा जबरा मिनख हो थें 
                                                                 
                            

                                                                 
                            

                                                                 
                            

                                                                 
                            
जद सूं थे गया हो बिदेश
                                                                 
                            

                                                                 
                            
मन रै आंगणै
                                                                 
                            

                                                                 
                            
आंसूड़ा बांध ली है आपरी ढाण
                                                                 
                            

                                                                 
                            
दरद ई कद कौ बैठियौ है
                                                                 
                            

                                                                 
                            
ढोलियो ढाळ
                                                                 
                            

                                                                 
                            
पग पसार बैठी है
                                                                 
                            

                                                                 
                            
आ बैरण ओळ्यूं
                                                                 
                            

                                                                 
                            
करतां-करतां आं सगळां सूं
                                                                 
                            

                                                                 
                            
माथा कूट
                                                                 
                            

                                                                 
                            
हुगी हूं काठी बावळी
                                                                 
                            

                                                                 
                            
थांन्नै कीं गिनार ई कोनी
                                                                 
                            

                                                                 
                            
कैड़ा जबरा मिनख हो थें।
                                                                 
                            

                                                                 
                            

                                                                 
                            

                                                                 
                            
म्‍हारै जीव री जड़ी 
                                                                 
                            

                                                                 
                            

                                                                 
                            

                                                                 
                            
पुळक-पुळक
                                                                 
                            

                                                                 
                            
पाळणै झुलराई
                                                                 
                            

                                                                 
                            
झुलरातां-झुलरातां
                                                                 
                            

                                                                 
                            
पाळणै
                                                                 
                            

                                                                 
                            
जाणै कद हालण लागगी
                                                                 
                            

                                                                 
                            
गुडाळियां
                                                                 
                            

                                                                 
                            
हालतां-हालतां गुडाळियां
                                                                 
                            

                                                                 
                            
जाणै कद पकड़-पकड़ पल्लौ
                                                                 
                            

                                                                 
                            
म्हारै ओढणां रौ
                                                                 
                            

                                                                 
                            
ले लिया पगलिया
                                                                 
                            

                                                                 
                            
लैतां-लैतां पगलिया जाणै कद
                                                                 
                            

                                                                 
                            
रमण लागगी डूला-डूली
                                                                 
                            

                                                                 
                            
रमती-रमती डूला-डूली
                                                                 
                            

                                                                 
                            
जाणै कद बणीजण जाणै कद
                                                                 
                            

                                                                 
                            
बणीजती बणीजती जाणै कद
                                                                 
                            

                                                                 
                            
बंटावण लागगी म्हारो हाथ
                                                                 
                            

                                                                 
                            
बंटाती-बंटाती म्हारो हाथ
                                                                 
                            

                                                                 
                            
जाणै कद सीखगी
                                                                 
                            

                                                                 
                            
सगळा रीत-रीवाज
                                                                 
                            

                                                                 
                            
बरत-बार, तीज तिंवार
                                                                 
                            

                                                                 
                            
सीखतां-सीखतां
                                                                 
                            

                                                                 
                            
बरत-बार, तीज तिंवार
                                                                 
                            

                                                                 
                            
जाणै कद हुगी
                                                                 
                            

                                                                 
                            
इतरी स्याणी
                                                                 
                            

                                                                 
                            
सोचूं हूं बैठी
                                                                 
                            

                                                                 
                            
इण रै फेरां में
                                                                 
                            

                                                                 
                            
आ म्हारी धीेंवड़ी
                                                                 
                            

                                                                 
                            
म्हारै जीव री जड़ी।
                                                                 
                            

                                                                 
                            

                                                                 
                            

                                                                 
                            
सावण री डोकरी
                                                                 
                            

                                                                 
                            

                                                                 
                            

                                                                 
                            
डौयां-डौयां
                                                                 
                            

                                                                 
                            
काजळ घालियोड़ी
                                                                 
                            

                                                                 
                            
आ सुरंगां सावण री डौकरी
                                                                 
                            

                                                                 
                            
फर-फर करती इयां फिरै
                                                                 
                            

                                                                 
                            
जाणै कोई
                                                                 
                            

                                                                 
                            
सोळा बरसां री हवैकरी
                                                                 
                            

                                                                 
                            
कोरी चार मइना काम माथै आवै
                                                                 
                            

                                                                 
                            
आठ मइना बैठी खावै
                                                                 
                            

                                                                 
                            
उण में भी इतरावै
                                                                 
                            

                                                                 
                            
वा भाई वा 
                                                                 
                            

                                                                 
                            
कैड़ी गजब री
                                                                 
                            

                                                                 
                            
इणरी नौकरी।
                                                                 
                            

                                                                 
                            

                                                                 
                            

                                                                 
                            
(साभार- कविता कोश)