सेल्फी कै जुग आय गवा ।
सारी दुनिया मा छाय गवा ।।
लड़िका सबकै बौराय गवा ।
पढ़ाई कै समय खाय गवा ।।
मेमोरी पूरा भरी गवा ।
फोटो से मन नाय भरा।।
सुंदर उन्हूं लागत हीं ।
जे करिया खोदर जरा बरा।।
घर से कॉलेज का आवत हीं ।
रील ख़ुबई बनावत हीं।।
मोबाइल लिहा हीं सरा सरा ।
लड़के देखयें खड़ा खड़ा।।
इन सबका हम देखि लिहेन
सेल्फी कै मन बनाय लिहेन ।।
सेल्फी लेय के चक्कर मां ।
फाट परेन हम गड़हा मां ।।
ऊंचियाइन कुछ जने हमका ।
लै गए तिवारी के मड़हा मां।।
कुछ देर बाद होश आवा ।
तब हम हुआ कसम खावा।।
अबही तक हंसेव बड़ा मजा आवा ।।
हमसे नाय पूछेव की सेल्फी लै कै भर पावा ।।
- अतुल मिश्रा