पुलवामा आतंकी हमले पर राजू श्रीवास्तव...हमार लरिका हमका पूरा वापस देव

दोस्तों ई पुलवामा आतंकी हमले मा उत्तर प्रदेश केर 12 जवान शहीद भये हैं.. जेमा से एक हमार उन्नाव वाली चाची केर लरिका रहा.. परसों ओकी मिटटी आई रही गांव मा.. तो हमरी चाची रोवत रोवत कहत रहीं कि हमका याद आय जब हमार लरिका सेना मा भर्ती खातिर फारम भरिस रहै..

गांव के तीन अउर लरिका फारम भरिन रहैं.. पर बाकी के सब लरिका फेल हुई गे रहैं.. कोऊ केर लम्बाई कम रही.. कौनो का वजन कम रहा.. कोऊ केर सीना कम .. हमार लरिका सबै चीज मा पास हुई गवा.. काहे से ओकी सब चीज पूरी रही.. आज हमार वही लरिका केर मट्टी तिरंगा मा लपेट के उई अफसर लोगे भेजिन हैं.. तो ओका आधा सरीर आवा है..

हम कहित है कि जब तुम लोगे कम नाही लिये रहेव तो अब हम कइसे कम लई ली.. हमका हमार बिटवा पूरा चाहि.. हमार लरिका हमका पूरा वापस देव दोस्तों ई घटना से हम बहुत दुखी हन.. बल्कि हम का पूरा देस दुखी है.. हमका सबसे जादा गुस्सा आवत है उन लोगन पर जौन लोग ई आतंकवादीयन खातिर नरम पहलु रक्खत हैं.. जौन अइसे मौके पे भी अमन, बचाव अउर शान्ति केर राग अलापत हैं..

अइसे नेतावन का पहिली फुरसत मा टाइम निकारि के कोने मा लई जाय के बोरा उढ़ाय के कायदे से हौंके का चाहि.. उई चाहे गुलाम नबी आजाद होंय.. चाहे फारूक अब्दुल्ला होंय.. महबूबा मुफ्ती होंय या नवजोत सिंह सिद्धू.. ई लोग आपन देस के साथ चिकाई करि रहे हैं.. कई लोगे सरकार से सर्जिकल स्ट्राइक केर सबूत मांगत रहे.. अईस लोगन का तो अईस तबियत से सुताई कीन जाय कि ससुर तीन कलर मा मूते लागें.. 

पहिले तलाशी लेवे पर महबूबा मुफ्ती बवाल काट दीस.. कि सेना हमरे कश्मीरी लोगन का परेसान करत है। एके बाद कश्मीर मा गाड़ियन केर चेकिंग बंद हुई गे.. अउर यही सबसे बड़ी वजह बनि गे ई पुलवामा अटैक केर..  दोस्तों सबसे जादा खतरा हम लोगन का देस के अन्दर छिपे भये देसद्रोहियों अउर गद्दारन से है..

जौन लोग खावत हैं हिंदुस्तान का अउर गाना गावत हैं पाकिस्तान केर.. एमा कुछ बुद्धिजीवी टाइप के जीव भी होंय.. जो खुद का सेक्युलर कहत हैं। भारत तेरे टुकड़े होंगे.. अफजल गुरु हम सर्मिन्दा हैं तेरे कातिल जिंदा हैं.. बताओ एक आतंकवादी का ई लोगे शहीद कहत हैं.. अइसे लोगन का तुरंत देस निकाला कर दे का चाहि.. हमरी आप सबै लोगन से हाथ जोड़ के प्रार्थना है कि अब कभों कहूँ भी कौनो देस तोड़े की बात करे या देस के खिलाफ बात करे तो ओका वहीं लुटाय लुटाय के हनक देव..

जौन होय देखा जाई.. अइसे लोगन का सामाजिक बहिस्कार करि देव.. उनका हुक्का पानी बंद करि देव.. हम आपन देस केर सबै राजनीतिक पार्टीयन से आव्हान करे का चाहित है कि ई वक्त है जब सबै पार्टी एक होय के एक्कै मंच पे आय जांय.. अईस मुद्दे पे राजनीति ना करौ.. हम आपन माननीय प्रधानमंत्री नरेन्द्र मोदी जी से निवेदन करत हन कि श्रीमान ये पाकिस्तान एक सर्जिकल स्ट्राइक से सुधरे वाला नाही है.. एके उप्पर फिर सर्जिकल स्ट्राइक करौ अउर लगातार करौ..

तब तक सर्जिकल स्ट्राइक करत रहौ जब तक पाकिस्तान बर्बाद होय के घुटनों के बल ना आय जाय.. हम तो आपन सेना से कहे चाहित है कि पाकिस्तान का धोय डालो.. दोस्तों अभीन कल रेलबाजार वाले मिश्राजी हमका मिले रहे.. कहे लाग कि हम तो मोदी जी से कहब कि आप रोजगार केर चिंता छोडि देव.. महंगाई बढे देव.. चाहे तो टैक्स अउर बढ़ाय देव..

मगर ई दुसमनन का तहसनहस करि देव बल्कि सर्वनास करि देव.. चाहे वो देस के अन्दर होंय या बाहर.. हमका काला धन वापस नाही चाहि.. मोदी जी ई मिसाइल, राकेट, टैंक अउर युद्धक सामग्री का खाली 26 जनवरी अउर 15 अगस्त केर परेड मा नुमाईस खातिर होंय का?.. इनका इस्तेमाल करौ मोदी जी !!