मोदी चोर नाही.. डाकू है.. सब सीटैं लूट लिहिस- राजू श्रीवास्तव

दोस्तों 23 मई को 22 प्रधानमंत्री हमाय देस ने एक झटके मा खोय दीस.. 22 लोग प्रधानमंत्री बने वाले रहैं.. मगर ई मोदी के कारन उई सब प्रधानमंत्री नाही बनि पाएन.. सोचो गुरु ई 22 लोगे अगर प्रधानमंत्री बनि जातै तो का होत.. ई सब एक कुर्सी पे तो बईठ नाही पातै.. तो फिर एक खटिया मा बईठत ई सबै एक साथ.. अउर मानि लेव ई सब कभो विदेश दौरे पे जाते डोनाल्ड ट्रम्प से मिले या जिंग पिंग या पुतिन से तो हुंवा ई सबै एक खटिया मा बईठत तो कईस लगत.. पूरी दुनिया मा इन्डिया की बड़ी हंसी हुई जात..

अच्छा भवा जो ई सब प्रधानमंत्री नाही बने.. अब ई सब लोग बिचारे पता नाही कहां हुईहैं.. भगवान् इन सबको स्वस्थ रक्खै.. वइसे ई दु:ख से जादा दु:ख ईवीएम मशीन केर आय.. ईवीएम आंटी बहुत दुखी हैं.. कोऊ उनकेर दर्द भी सुनि ले.. हम पूछा ईवीएम चाची का हाल हैं.. तो कहे लागीं अये बच्चा हमरे उप्पर बहुत इल्जाम लगाईंन हैं सबै लोगे कि तुम बीजेपी से मिलि भयी हौ.. सबै विपक्षी लोगे इत्ती गंभीरता से इल्जाम लगाईंन कि एक दाईं तो हमहूं सोच मा पड़ी गईन कि कहूं सच मा हमरा चालचलन खराब तो नाही हुई गवा.. अरे हमार बुद्धि हिलाय के रखि दिहिन..

अब तुमहि बताओ बच्चा कि ई राहुल गांधी वायनाड से जीति गे अउर अमेठी से हारि गे.. वही फैसला करि के बताएं हमका कि हम सही हन कि गलत.. ई सबै हमका जबरदस्ती बदनाम किये हैं.. अभीन वोट गिनती वाले दिन टीवी वाला रिमोट गुस्सावत रहा.. कहत रहा कमाल आय.. आपन देस मा कइसे कइसे लोग हैं.. बताओ वोट गिनती वाले दिन कांग्रेसी हमसे कहत रहे कि तुमहूं बीजेपी से मिले भये हौ.. काहे से हमरे बटन दबाय के जौने चैनल उई लगावत रहैं तो सबै चैनल पे यही आवत रहा कि बीजेपी जीत रही अउर कांग्रेस हार रही आय.. हमरा तो मन करत रहा कि एक टाइटैनिक जईस जहाज बनाय के..

इन सबै लोगन का ओमा बईठाय के.. अउर ड्राईवर का उतार के उई जहाज का पानी मा धक्का दई दें ..। खैर वइसे सबै कांग्रेसी नरेन्द्र मोदी का चोर कहत हैं.. हम तो कहित है कि मोदी चोर नाही.. डाकू है डाकू.. काहे से उई 343 सीटें लूट लिहिन.. मोदी जी 2019 चुनाव केर पूरी महफिल लूट लिहिन.. वइसे पाकिस्तान मा ई टाइम अफरातफरी केर माहौल आय.. हुंवा कौनो अफवाह उड़ाय दिहिस है कि अगले रक्षा मंत्री सनी देओल हुईहैं..

भईया कुछ लोगे आंय जिनका हम बहुत मानित है.. काहे उई लोगन का बीजेपी का जितावे मा बहुतै बड़ा हाथ आय.. ई सबै सेल्फ गोल करे मा माहिर आंय.. जइसे मणिशंकर अय्यर.. हर बार ई आदमी बीजेपी का जिता देत है.. पिछली बार भी ई सेल्फ गोल किहिन रहैं.. अउर अबकी बार भी पुड़िया छोड़ीन रहैं.. अउर तो अउर ई कहत हैं कि हम पिछली बार 2014 वाली बात पे अभीनो कायम हन.. अउर नवजोत सिंह सिद्धू का तो जवाब नाही.. ई तो सेल्फ गोल टीम के कप्तान आंय..

ई कहत रहैं कि अगर अबकी राहुल गांधी अमेठी से हारि गे तो उई राजनीति से संन्यास लई लेंहे.. अब दिखाई नाही पड़ रहे हैं.. एक अउर सेल्फ गोल टीम के मेम्बर आंय बयान बांकुर फालतू बयान-ए-हिन्द दिग्विजय सिंह.. ई आपन पूरे राजनीतिक करियर मा आपन झंडू बयान दई दई के कांग्रेस केर नुक्सान के अलावा कुछौ नाही किहिन.. एक है सैम पित्रोदा.. इनके बारे मा का कहैं.. एक आंय कपिल सिब्बल.. जौन भारतीय सेना से सर्जिकल स्ट्राइक केर सबूत मांगत रहैं..

अउर भी कमाल लोग हैं.. ममता बनर्जी.. केजरीवाल.. कन्हैया लाल.. कमल हासन.. शत्रुघ्न सिन्हा.. इन सबै लोगन का तो राष्ट्रीय सम्मान करे का चाहि.. वइसे हम शत्रुघ्न सिन्हा का भी बहुत मानित है.. काहे से उई खुद खड़े रहे कांग्रेस से.. आपन पत्नी का टिकट दिलाईन सपा का.. अउर मायावती से बात चलावत रहैं आपन बेटे का हाथी से टिकट दिलावे खातिर.. ई सब अंदर की बात हमका बताईन हैं सोनाक्षी सिन्हा..।

भईया अबकी चुनावी रिजल्ट से पहिले एग्जिट पोल का बहुत जोर रहा.. सिविल लाइन वाले संकठा हमसे कहे लाग कि यार राजू हम अइसेहे सोचत रहन कि अगर स्कूल कालिज केर रिजल्ट आवे से पहिले एग्जिट पोल का रिवाज होत तो का होत?.. ई सुनि के ओका भतीजा पीछे से कहिस होत का चाचा.. तब दुई बार कुटाई होते..। लास्ट मा एक्के बात कहे चाहित है.. कि हमरी बात ध्यान से सुना करौ..काहे से हमरे घर में हमरी कोई सुनत नहीं है।