गरुड़ (बागेश्वर)। आदर्श रामलिल कमेटी तरफ बटि गरुड़ में रामलिलक धूम मची रै। गरुड़कि रामलिल देखण आयलै भौत दूर-दूरबै भौतें मैस उनि। रामलिल क पचु दिन राम कैं बनवास देखबें लोग निशासि पणिन। दशरथ कैकई संवाद सबुकैं भौतें भल लागछ।
केडी पांडे रामलिल मैदान में रामलिल देखण आयलै भौत दूर-दूरबै लोग उनि। जबकि आजकल अशोजक महैणम गौनुं में खेतीबाड़ी काम भौते हैरौछ। रामलिलक कमेटी अध्यक्ष लक्ष्मी दत्त पांडे, सचिव देवकीनंदन जोशी, गिरीश पांडे, घनश्याम जोशी, मोहन जोशी ल रामलिल देखणियां गैकै भगवान रामक जीवन बटि सीख लिणै लिजीक कौ। कत्यूर रामललि कमेटी ल धान काटण बाद रामलिल करणक मन बणै राखौ। आजकल वां तालिम चलिरै। कमेटिक लोग कलाकारौ कै देर रात तक तालीम दिणी। वां गोपाल दत्त मास्टर उनर च्यल भुवन पाठक, रौल्याणक मास्टर नीरज पंत, नीरज पंत, बदरीनाथक मास्टर दलीप भाकुनी, हारमोनियम मास्टर अशोक रौत कलाकारुकैं निपुण बणुनीन।