कपिलवा की जिंदगी मा गिन्नी केर कमी राहे..तो गिन्नी से सादी कर लिहिस: राजू श्रीवास्तव

दोस्तों अभीन पिछले दिनों कॉमेडियन कपिल शर्मा केर सादी भई रही.. वही कपिल शर्मा जो खूब हंसावत है.. वइसे ई कपिलवा आपन जिंदगी मा खूब नाम कीस है अउर खूब पईसा कमाईस है.. खूब सोना चांदी जवाहरात कमाईस है..

बस कपिलवा की जिंदगी में गिन्नी केर कमी रही तो गिन्नी से सादी कर लिया.. ओकी सादी रही तो हमहूं खूब बढ़िया कपड़ावपड़ा पहिन के पहुंच गए.. हम कहा सादी बियाह का मामला है तो टाइम से तैयार हुई के पहुंच गेन.. बहुत बड़ा होटल मा इन्तेजाम रहा.. खूब सानदार सजावट रही.. जइसेहे हम हुंवा पहुंचेन तो शेरवानी पहिने कव्वाल टाइप आदमी दूर से हमका आवाज दिहिस अरे गजोधर भईया आय गयेव !!ऽ.. हम कहा ई को आय.. पास जाय के देखा तो कपिल शर्मा रहे..

हम कहा ई कव्वालन वाली शेरवानी पहिने काहे घूम रहे हौ.. एमा तुम एकदम दरबारी कवि लग रहे हौ.. तो उई कहे भईया अईस ना कहौ.. ई शेरवानी बारह लाख रुपया मा बनवाय हैं.. हम कहा एमा अइसा का खास है.. का एमा सोने केर गिन्नी लगी हैं का.. तो कहे लाग हां भईया अब हमरी जिंदगी मा गिन्नी लग गयी है.. हम समझ गएन कि अब कपिल की जिंदगी मा चकर-गिन्नी चालू हुई गई है.. हुंवा पहुंच के हम देखेन कि कपिलवा फिल्मी दुनिया के सब कलाकारन का बुलाईस रहै..

एक्टिंग वाले.. गाये वाले.. नाचे वाले.. Mee Too वाले66 कलाकार भी आय रहें.. Mee Too वाले जित्ते कलाकार रहे उई सब एक्कै टेबल पे बइठे रहे.. उन लोगन का अलग टेबल दीन रहें.. उन लोगन के पास कोऊ नाही जात रहा.. अउर मिक्का सिंह बने रहें उनके लीडर.. खैर कपिल केर सादी मा जित्ते कलाकार आय रहे.. उई सब खूब भागदौड़ करत रहें.. सबै लोग खूब हाथ बंटाईन.. जॉनी लीवर अउर असरानी कुर्सी मेज लगवात रहैं.. चंकी पांडे दरी चांदनी बिछावत रहैं..

 

शिल्पा शेट्टी अउर प्रियंका चौपड़ा दाल सब्जी परोसत रहीं.. शक्ति कपूर अउर गुलशन ग्रोवर केर ड्यूटी रही दारू केर काउंटर पे कि देखे रहेव कौनो जादा पी के टल्ली ना हुई जाय.. पर थोड़ी देर बाद हम देखेन शक्ति कपूर खुदै दुई बोतल शराब पी के काउंटर के नीचे टुन्न पड़े रहे.. बताओ पियक्कड़ आदमी का बनाय दिए चौकीदार.. अजय देवगन, गोविंदा, अक्षय कुमार पूरी रात माइक लई के गाना गाईन अउर सोनू निगम, कैलाश खेर अउर मिक्का सिंह पूरी रात नाचे रहे..

सब उल्टा पुल्टा हुई गवा रहा.. सब मौज लेवत रहैं.. वहीं एक कौनो रहे उई हमसे कहे लाग कि सब कुछ बढ़िया इंतिजाम है मगर सलमान अउर अमिताभ नहीं आय.. हम कहा का तुम टिकट लई के हिंया सब फिलिम स्टार का देखे आय हौ !!.. हम कहा अमिताभ बच्चन आय हुई हैं.. हुई सकत है पीछे तम्बू कनात अउर टेंट लगवाय रहे होंय.. काहे से बच्चन साहब आजकाल कौनो की सादी मा जात हैं तो खाली नाहीं बइठत हैं..

तबहीं हमरे पीछे खड़े छुटकऊ सिंगर कैलाश खेर जोर से गाये लगे अल्ला के बंदे हंस दे.. अल्ला के बंदे , हम कहा जोर से ना चिल्लाव ई बड़ा लोगन का सादी है.. तो फिर गाय लगे टूटा टूटा एक सितारा अइसे टूटा.. हम कहा आज तोड़ै केर बात ना करौ.. जोड़ै केर बात करौ.. तब उई चुपचाप कोने मा कुर्सी पे जाय के बइठ गए.. तबहीं हमका एक आवाज सुनाई पड़ी.. कुत्ते कमीने.. मैं तेरा खून पी जाऊंगा.. हम कहा धर्मेंद्र आय गए.. हम फौरन कपिल से कहा धरम जी खातिर तुरंत शराब का पैग लाव..

काहे से जइसेहे ई कहें कि कुत्ते हम तोहरा खून पी जाऊंगा.. तो समझ लेव इनका पिए का टाइम हुई गवा है.. तबहीं तुषार कपूर आपन पापा जितेन्द्र के साथ आय.. उई गावत रहे..तोहफा..तोहफा..तोहफा.. लाया..लाया..लाया .. हम कहा जीतू जी खाली कहे से काम ना चलि.. सादी का घर होय.. तोहफा दे का पड़ी..

ई सुनते ही उई साइड से निकल लिए.. फिर सारा टाइम हमसे नजर चुरावत रहैं.. दोस्तों अउर भी बहुत कुछ भवा रहै.. ऊ सब हम बताइब अगली कड़ी मा..लास्ट मा हम एक्कै बात कहे चाहित है.. कि हमरी बात ध्यान से सुना करौ..काहे से कि हमरे घर मा हमरी कोऊ सुनत नाही है ..