राजू श्रीवास्तव की मतदाताओं से अपील- कौनो कसर ना छोड़ेव.. हपक के वोटिंग होय का चाहि

दोस्तों आज आपन शहर कानपूर मा वोटिंग आय.. कौनो कसर ना छोड़ेव.. एकदम हपक के बंपर वोटिंग होय का चाहि.. खैर इधर आपन कानपुर मा गजब केर सीनसपाटा हुई गवा.. ये आपन रेव मोती टाकीज की तरफ रानी घाट वाले लौंडे बहुत परम आंय..

बताओ परसों एक पार्टी का रोड शो निकलत रहा.. कि तभीन कौनो डीजे पे गाना बजाय दिहिस मैं आई हूं यूपी बिहार लूटने.. बवाल हुई गवा.. सर फुटव्वल हुई गवा.. बताओ अईस खुराफाती हरामीपना चलि रहा है.. पिछले दिनों बनारस मा मोदी जी का रोड शो रहा तो गजोधर, संतोस अउर संकठा कानपूर से ट्रेन पकड़ के गए रहें बनारस.. संतोस कहिन टिकट लई लेव.. गजोधर कहिन भगाओ बे टिकट इकट को देखिए.. अइसेहे चलौ डब्लू टी.. उई तीनों पहुंच गे बनारस.. 

दुई बजे जाय के अस्सी घाट पे आगे जमि गे कि मोदी जी का करीब से देखबे.. तबहीं एक पुलिस वाला आय के कहिस इधर नाही उधर जाय के बईठो.. दूसर तरफ जाय के ठाड़ भये तो पीछे औरतें खड़ी रहीं.. उई कहिन भईया हम लोगन के सामने ना खड़े हो धर जाओ.. गजोधर कहिन यार बनारस मा कनपुरियों का उठना बईठना मुश्किल है..हुंवा सबै न्यूज चैनल वाले भरे पड़े रहैं.. एक पत्रकार कैमरा लई के गजोधर के पास आवा अउर उससे पूछिस अउर बताओ कईसा लगि रहा है.. उई कहिन गरमी लग रही है..  

एक के बाद एक पत्रकार आवत रहे अउर पूछित रहे, कईसा लगि रहा है.. गजोधर कहिन ई बताओ मोदी जी आय हैं कि नाही.. तुम मीडिया वाले हमरे भरोसे आपन कवरेज करि रहे हौ का.. इत्ता होत रहा कि संतोस एकदम से चिल्लाए... कट गयी कट गयी.. सबै पंचे आसमान की तरफ देखे लाग तो उई चमक के कहिन अरे पतंग नाही.. हमार जेब कट गयी.. तो संकठा अउर गजोधर आपन जेब टटोलिन तो पता चला उन्होंन केर जेब कट गयी..

संतोस रोवे लाग कि अब खाना पीना कईस होई.. गजोधर कहिन ओकी चिंता ना करौ.. बीजेपी के कौनो कार्यालय मा जाय के भंडारा हुरा जाई.. भाजपा का गमछा उन लोगन केर गले मा पड़न रहा तो उई तीनों भाजपा के एक कार्यालयमा जाय के छोला चावल उड़ाईन.. ओके बाद फिर उई लोगे फिर आय के ठाड़ भये तो पता चला मोदी जी अभीनो नाही आय..  

दुपहरे से शाम हुई गे.. तभीने पता चला आय गे मोदी जी आय गे.. उनका देख के सबकी तबियत खुश हुई गे.. कुछ उत्साही लोगे मोदी जी के स्वागत मा बड़ा वाला डमरू बजावत रहैं.. उई डमरू तीन बार गजोधर केर खोपड़िया मा लगा तो तिवारी दरोगा मुस्कराय के गजोधर से कहिन तुमसे कहा रहा कि पीछे होय के चलौ.. गजोधर खिसियाय के आगे बढे़ तो एक बाबा त्रिशूल नचावत रहैं..

ओकी नोक से उनकी बुशर्ट फाटि गे.. तो फिर वही तिवारी दरोगा गजोधर का देख के मुस्कियाय के कहिस समझ गए हमार ड्यूटी काहे लाग है.. खैर जईस तईस मोदी जी केर रोड शो समाप्त भा... फिर गंगा आरती शुरू भई..। लास्ट मा हम एक्कै बात कहे चाहित है कि हमरी बात ध्यान से सुना करौ..काहे से हमरे घर में हमरी कोई सुनत नाहीं है ..।