दोस्तों ई वो दौर आय कि अगर कौनो इन्सान गिर जाय तो हंसी निकरि जात है अउर अगर मोबाइल गिर जाय तो जान निकरि जात है.. भईया पांच दिन पहिले चंद्रयान अउर चिदंबरम दुईनो सफलतापूर्वक आपन आपन ‘कक्षा’ मा पहुंचि गे.. अउर दोस्तों किस्मत का खेला देखौ.. 2011 मा सीबीआई केर जौने ऑफिस का उदघाटन ख़ुद चिदंबरम किहिन रहैं.. वहै दफ्तर मा उई बंद भये रहैं.. वइसे देखा जाय तो चिदंबरम सच्चे हिन्दू आंय जो कृष्ण जन्माष्टमी जेल मा मनाईन हैं..
विज्ञापन
2 of 7
राजू श्रीवास्तव
पहिले जब चिदंबरम विपक्ष मा बईठ के पूछत रहैं कि माल्या कईसे भाग गवा.. नीरव मोदी कईसे भाग गवा.. मेहुल चौकशी कईसे भाग गवा.. तो लगत रहा कि सरकार से सवाल पूछि रहे आंय.. मगर अब पता चला कि चिदंबरम देस से बाहर भागे का तरीका पूछत रहैं.. वइसे इनका नाम आय पी चिदंबरम.. हमरे हिसाब से इनका नाम ‘पी’ नाहि ‘खा’ चिदंबरम होय के चाहि.. खैर हमें का..।
विज्ञापन
3 of 7
राजू श्रीवास्तव
दोस्तों पिछले एक हफ्ते से कानपूर मा बरसात का जबर मौसम बना भया है.. बढ़िया मौसम चलि रहा.. हमरे कनपुरिये भी अजीब आंय.. चाहे कौनो मौसम होय.. वहकी चर्चा मा दिन निकार देत हैं.. अगर गरमी होय तो कहियें ‘आज गर्मी बहुत है’.. अगर बरसात होय रही होय तो कहियें ‘आज बारिश बहुत होय रही’.. अउर सर्दी के मौसम मा कहियें ‘आज तो ठंड रिकॉर्ड तोड़ दिहिस’.. मतलब हम कनपुरियों का जीवन चक्र यही मा कटि जात है.. अभीन कल हमका राजेंद्र नगर वाले संकठा मिलि गे..
4 of 7
राजू श्रीवास्तव
कहे लाग यार अबकी मोदी जी तो केहू का सांसै नाहि लेवे दे रहे.. हर दिन नया धमाल चलि रहा.. हम आधा घंटा लाइन मा लग के एक ठो वोट मोदी का दिया रहा.. हमका नाही मालूम रहा कि एके बदले रोज इत्ता मनोरंजन देखे का मिलिहै.. हम कहा हां.. ‘ना खइबै.. ना खाय देबे’ केर भयंकर सफलता के बाद अब मोदी जी का नया खेला आय रहा.. ‘ना पैदा करब.. ना पैदा करे देब’.. अउर देख लिहेव.. ई राहुल.. ममता.. माया.. ई सब कुंवारे अविवाहित होय के बावजूद ई ‘जनसंख्या नियंत्रण’ बिल का विरोध जरूर करिहैं.. ई बात पे संकठा कहिन हाँ.. हम तो सुना है कि राहुल अभीने से ‘जनसंख्या नियंत्रण’ बिल का विरोध करि रहे आंय.. कि पहिले हमरी शादी तो हो जाय देव’.. हम कहा भईया अबकी मोदी जी एक के बाद एक झटका दई रहे हैं..
विज्ञापन
5 of 7
राजू श्रीवास्तव
अब तो अपाचे हेलीकाप्टर अउर राफेल विमान भी आय गवा.. चंद्रयान चांद पे समझो पहुंचे गवा अउर मिशन मंगल भी सफल रहा.. इस पे संकठा बोले यार राजू ई मंगल ग्रह का मेन काम तो लड़के लड़कीयन की शादी मा अड़चन डाले का है.. हम कहा हां यार ई पंडित लोगे सबकी कुंडली मा ई मंगल अउर दूसर ग्रहन केर चाल चलन देखि के भविष्य बतावत हैं.. अउर मजे केर बात ई है कि ग्रहन केर दशा, दुर्दशा अउर भविष्य बतावे वाले ई ‘ज्योतिषाचार्य’ टाइप के लोग रेलवे स्टेसन पे इन्क्वायरी खिड़की मा पूछत कि ट्रेन कब अइहै.. ई बात पे संकठा बोले यार राजू.. ट्रेन से याद आवा.. एक बात बताव.. ट्रेन मा लोगे इत्ता बात करत हैं..
विज्ञापन
6 of 7
राजू श्रीवास्तव
इत्ता बात करत हैं..अउर हवाई जहाज मा सब एकदम चुप्पे बईठे रहत हैं.. ई का चक्कर है में?’’ हम कहा ई बहुत हाई लेबल का चक्कर आय.. एके चक्कर मा तुम नाहि पड़ो.. तबहीं रायपुरवा वाले मनोहर आय गे.. आंखन पे अंधन वाला चश्मा पहिने.. दुईनो हाथन की दसों उंगलियन मा पलस्तर चढ़ा भया.. हम कहा ई का है बे?.. तो संकठा बताईन कि इनका आंख का आपरेसन हुआ है .. हम कहा तो उंगलियन पे पलस्तर काहे बंधा है?.. तो संकठा कहिन ताकि ईं मोबाइल पे व्हाटसप फेसबुक ना चला पांय अउर सोसल नेटवर्क से दूर रहैं..
तभीने तो इनकी आंखन का आराम मिलि!! हम कहा ई तो बढ़िया जुगाड़ आय.. वईसे कल संडे रहा.. तुम लोगे संडे पे का कियेव? .. ई बात पे मनोहर बोले भईया हमरे लिए तो संडे अउर मंडे एक्कै जइसे हैं.. काहे से जब जिंदगी होय झंडवा तो का संडवा अउर का मंडवा .. हम कहा अईस बात नाहि है यार.. तुम्हरी जिंदगी तो बढ़िया चालि रही है.. काहे झूठ बोलि रहे हौ.. झूठ बोलिहौ तो कौव्वा काटी.. तो संकठा बोलि पड़े चलो मान लिए कि झूठ बोले तो कौव्वा काटी.. तो सच बोले पे कोयल पप्पी देत है का? हम कहा भाग बे..!! लास्ट मा एक्कै बात कहे चाहित है.. कि हमरी बात ध्यान से सुना करौ.. काहे से हमरे घर में हमरी कोई सुनत नहीं है।