दोस्तों अभी पिछले दिनों सलमान खान को जेल हो गयी रही तो जेतने टी वी न्यूज चैनल वाले रहें सबै ऐसा चिकाई करत रहें कि का बताई और पब्लिकौ मौज लेत रही उस दिन हम जैसेहे टीवी खोलेन तो चैनल वाले सलमान खान केर बेल का लैकर बहुत परेसान रहैं। दूसर चैनल लगावा तो ऊ लोग सलमान की अम्मा अउर उनकी बहन अर्पिता और अलवीरा का दिखावत रहेंन कहत रहें कि सलमान की अम्मा दुई दिन कुछौ खाए नहीं।
तीसर चैनल वाले कटरीना का दिखावत रहें कि सलमान की रिहाई खातिर कटरीना पहुंची सिद्धिविनायक मंदिर। एक चैनल सलमान खान के भांजे का दिखावत रहा कि देखो कइसे ईकी मासूम आँखें इन वकीलों की तरफ देख के सवाल करत हैं जइसे पूछे चाहत हैं कि अंकल आज हमरे मामा का बेल मिल जाई का। सबी चैनल पर यही बकलोली चलत रही तो हम सोचा चलौ दूरदर्शन लगावा जाए। डीडी वन लगाए तो ओमा दिखावत रहें कि आज हम आपका बुन्देलखंडी गीत सुनईबे। फिर चालु हुई गवा आल्हा ऊदल का गान। फिर हम डीडी टू लगावा तो हुंवा बतावत रहें कि आज प्रधान जी बताहियें कि खरीफ की फसल का कीट से कइसे बचावा जाय। फिर हम डीडी किसान चैनल लगावा तो हुंवा कौनो भरतनाट्यम नाच होत रहा।
सलमान खान का नामो-निशान नहीं रहा इन चैनलन पर। प्राइवेट न्यूज चैनल वालन की लभेड़ से अलग ई लोगन की दुनिया है। फिर भी हमरे मन मा रहा की सलमान की खान की न्यूज ये डीडी वाले काहे नहीं दिखाय रहे हैं। तो हम आपन एक मित्र का फोन किया जो दिल्ली स्टूडियो मा कैमरा ओपेरटर हैं पूछा भैया आप डीडी वाले सलमान की न्यूज काहे नहीं दिखा रहे। तो ऊ बताये कि भैया सलमान की न्यूज दिखा तो दई मगर बहुत लभेड़ है सरकारी चैनल है ना अगर हमका सलमान केर न्यूज दिखावे का है तोह सबसे पहले विश्नोई समाज का चिट्ठी लिखे का पड़ी, फिर हुवां के थाने से एक एनओसी लै का पड़ी। फिर एक एप्लीकेशन डीडी के डीजी का लिखे का पड़ी। अउर उसकी एक नकल स्टेशन डायरेक्टर को दै के पड़ी। फिर एडिटर उसका एक कॉपी का अध्ययन करिहे, फिर सेंकशन करिहे तब कैमरा अउर इसंट्रूमेन्ट लै के खातिर मंडीहाउस जाय का पड़ी। सरकारी चैनल है ना ई सब फार्मेलिटी मा एतना टाइम लग जहिये कि तब तक तो सलमान खान का भांजा जवान हुई जहिये अउर हीरो बन के फिल्मों में आय लगिहे अउर सलमान खान उस फिल्म में अपने भांजे के बाप का रोल कर रहा हुईहे।
- राजू श्रीवास्तव का लेख