दोस्तों पिछली दफा हम बताये रहेन कि हम कॉमेडियन कपिल शर्मा केर सादी मा खूब तैय्यार होय के गए रहेन.. हुंवा बढ़िया इंतिजाम रहा.. खाय पिए अउर पहिरे ओढ़े केर बम्पिलाट इंतिजाम रहा.. गुरु दूर दूर तक खाना लगा रहा.. देसी बिदेसी खाने केर भी बिराईटी रही.. अब हम ठहरे पक्के कनपुरिया.. हमरे समझ में ना आय.. तो हम एक काउंटर पे जाय के पूछा कि ई कौन टाइप केर खाना है?.. तो उई बताइस कि ई पास्ता होय.. हम कहा यार जान पड़त है ई कौनो दवाई का नाम होय.. फिर दूसर काउंटर पे पूछा कि भईया ई का है?.. तो उई बताईस कि ई इटालियन फूड होय.. हम कहा अच्छा.. इटालियन.. मतलब मार्बल पीस के डाले हौ.. का सोनिया जी के मायके से आवा है का?..
विज्ञापन
2 of 7
डेमो
हम कहा भगाओ बे.. आपन हिन्दुस्तानी खाना चौकस है.. लेकिन दोस्तों हम सादी बियाह पर एक बात नोटिस किये हन कि कौनो के हिंया सादी बियाह का खाना होत है तो उई दिना पलेट बहुत छोटी लगत है.. एका तसला के बराबर होय के चाहि.. खैर हम हुंवा खाना खात रहे कि तबहीं चिल्ल-पों मचि गे.. कि कौनो कपिल शर्मा केर जूता चोरी कई दिहिस.. कोऊ कहिस अरे जूता चुराई हुई गे.. जूता चुराई हुई गे.. बाद मा पता चला कि दीपिका पादुकोन अउर आलिया भट्ट दुइनो कपिल की दुल्हन गिन्नी केर सहेली बनि के कपिल का जूता चुराई करि डालिन.. दीपिका कपिल से काहे लागीं कि जूता वापस चाहि तो 11 लाख देव.. हम कहा अरे!!.. जूता चोरी करे पे पइसा मिलत है !!..
विज्ञापन
3 of 7
डेमो
हम बचपन मा एक बार जूता चुरावा रहा तो मार पड़ी रही.. हम दीपिका से कहा तुम इत्ते पइसा वाली हौ तबहूं जूता चुराय रही हौ.. तुमका सरम नाही आवत.. तो दीपिका हमरी बात पे सरमाय गयीं.. तबहीं हमका बप्पी लाहिरी कान मा बताय कि ई जूता चुराई एक रसम होत है.. हम कहा आप कहत हौ तो मान लेब.. काहे से इत्ता सोने केर जेवर पहिन के आप झूठ नाही बोलिहौ.. खैर फिर हुंवा ई कि सुदेश लाहिरी अउर भारती सिंह घपड़चौथ करि दीन.. इन दुइनो से कपिल शर्मा कहे रहा कि देखे रहेव सब महिमान खाना खाय के जांय.. ई सुदेशवा इस बात का बहुत गंभीरता से लई लिहिस.. ई पूरे पिंडाल मा सबके पास जाय जाय के कान में कहे लाग कि खाना खा के जायेव .. खाना खा के जायेव ..
4 of 7
डेमो
बताओ हरभजन अउर दलेर मेहंदी भांगड़ा करत रहे.. ई पग्गल उछल उछल के उनके कान में कहि रहा कि खाना खा के जायेव.. चलो महिमानन से कहिस कौनो बात नाही.. ई लब्भड़ बैंड बाजा वालन से अउर घोड़ी वाले से भी कहि आवा कि खाना खा के जायेव .. अउर तो अउर ई कहत कहत बाहर रोड पे निकल गवा.. हुंवा रिक्शा अउर टेम्पो वालन से भी कहि आवा कि खाना खा के जायेव .. फिर वही सब लोग भरभराय के पिंडाल मा घुसि आय अउर खाना खा के गए.. पता चला डोंगा इधर पड़ा है तो पलेट उधर पड़ी है.. अउर फिर खाना कम पड़ गवा.. फिर नवाजुद्दीन सिद्दीकी दिमाग लगाईंन..
विज्ञापन
5 of 7
डेमो
उई नाना पाटेकर से कहिन कि नाना भाई दुई बाल्टी पानी लई आव.. तो नाना पाटेकर कहिन काहे इत्ती रात मा ठंडी मा तुम नहइयो का?.. तो नवाजुद्दीन कहिन कि हम दिन मा तो नहाईत नाही हैं.. तुम रात मा नहाए की बात करत हौ.. अरे नाना भाई आप दुई बाल्टी पानी लाव तो.. फिर नाना पानी लाय तो ई नवाजुद्दीनवा ऊ दुइनो बाल्टी पानी दाल अउर कढ़ी के भगोना मा डाल के मिलाय दिहिस.. तब जाय के सब महिमानन का दाल अउर कढ़ी मिली..
विज्ञापन
6 of 7
डेमो
तबहीं हमरी नजर कोने मा पड़ी.. हम देखा एक आदमी जबरदस्त तरीके से पेल के खाय पिए मा लगा रहा.. उई आदमी पूरी टेबल पे चिकन-मटन, नल्ली-निहारी का ढेर लगाय हौंकने में लगा रहा.. तभीने हुंवा कपिल शर्मा आय गए.. उई देखिन कौनो अनजान आदमी सूते मा लगा हैं.. तो उई उससे कहिन भाईसाहब आप हिंया कइसे.. तो ऊ कहिस फिर तो ई आपकी गलती होय.. हम तो टाइम से आय गएन .. बाद मा पता चला कि ऊ सुनील ग्रोवर रहा.. वही जौन गुत्थी बनत रहा.. सुनील ग्रोवर मूंछ लगाय के भेस बदल के आवा रहा अउर हौंक के पिलाई करि के निकल गवा.. अउर कपिल शर्मा का फिर दगा दई गवा..