ट्रंप बोले, आप ठाकुर भानुप्रताप के बेटे हौ ना..- राजू श्रीवास्तव

ई मौसम का मिजाज भी हमार मेहरारू की तरह हुई गा.. कभीनो पलट जात है.. बताव परसों फिर इन्द्र देव प्रसन्न हुई गे.. बरसे लगा पानी.. ओला भी गिरा.. जब भयंकर गरमी मा बारिस की जरूरत होत तो यहै इन्द्र देवता का मालूम काहे रिसियाय रहत हैं.. तब बहुत अड़ी की लेत हैं..

दोस्तों पिछले हफ्ते अमरीका के राष्ट्रपति ट्रंप भारत आय रहैं.. सुना है एअरपोर्ट पे डोनाल्ड ट्रंप से अमिताभ बच्चन टकराय गए तो ट्रंप लपक के अमिताभ से हाथ मिलाईन अउर कहिन आप ठाकुर भानुप्रताप के बेटे हीरा ठाकुर हौ ना.. बताव ई सेटमेक्स वाली सूर्यवंशम हुंआ अमरीका मा भी उधम मचाय है.. ट्रंप तो आपन महेरिया मेलेनिया, बिटिया विवांका अउर दामाद डेरेक के साथ भारत आय रहैं.. जब ट्रंप अहमदाबाद पहुंचे तो ट्रंप के पूरे परिवार का स्वागत मोदी जी अकेले करिन..

ओके बाद ट्रंप आपन परिवार के साथ आगरा पहुंचे तो हूँऔ योगी जी अकेले खड़े उनका स्वागत किहिन.. अभीन कल हमका रामबाग वाले राधेश्याम मिलि गे.. कहे लाग यार राजू भईया कल रात बहुतै अजीब भवा हमरे साथे.. हम कार से जात रहन.. सुनसान सड़क पे अकेले हमरी कार जात रही.. तभीने अचानक रोड पे एक सुन्दर लड़की लिफ्ट मांगिस..

हम तुरंतै खींच के ब्रेक लगाय दिहे..तुरंत हमरा पैर रजाई फाड़ के बाहेर आय गवा. मगर दोस्तों दिल्ली मा जौने कुछ भवा अउर अभीनो हुंवा के हालात ठीक नाही हैं.. इस से हमरा दिल दुखा भया है.. रामलीला मा रावण का पुतला ज्यादातर मुस्लिम लोग बनावत हैं.. बहुत से मुस्लिम परिवार पीढ़ियों से गणेश जी की मूर्ती, दुर्गा जी की मूर्ती बनावत चले आय रहें.. मजार पे दरगाह पे प्रसाद खातिर जो रेवड़ी मजार पे चढाई जात हैं..

उई खुटियाँ रामपरसाद बनावत हैं.. हमहूँ जाजमऊ वाले मख्दूम शाह बाबा की मजार पे चादर चढ़ावत हन.. हमार नाना गांव मा रमजान मा सहरी जगावत रहैं.. हमार मामा आजौ सहरी जगावत हैं.. बम्बई मा बहुत से मुस्लिम आपन घरन मा गणेश स्थापना करत है.. सुपरस्टार सलमान खान भी गणेश भक्त आंय.. मस्जिद के मौलवी साहब हर रोज सुबह मंदिर के पुजारी जी का ‘राम राम’ कहत भये जात हैं..

आजौ मगरिब की नमाज के बाद मस्जिद के बाहर हिन्दू औरतें आपन नान नान बच्चन के फूंक डलवाय आवत हैं.. तमाम मुस्लिम स्कूल के फंक्सन मा लोग आपन बच्चन का श्री कृष्ण, भगवान राम बनावत हैं.. एक दफा जन्माष्टमी मा हमाय दोस्त मकबूल का लौंडा कृष्ण बना रहा.. सब पंचे ओके पैर छूई करिन रहैं.. सब पंचे मिलि के एक काम करौ..

 

ग्रीन पार्क स्टेडियम मा सब धार्मिक गुरुअन का कहौ कि आपन आपन भगवान का आव्हान करौ अउर उनका बुलाव.. फिर आपन आपन भगवान से कहौ कि आप सब भगवान लोगे मिलजुल के तय करौ कि सबसे बड़ा को आय.. हम सब फिर वहै भगवान का मनिबै ..लास्ट मा एक्कै बात कहे चाहित है.. कि हमरी बात ध्यान से सुना करौ..काहे से हमरे घर में हमरी कोई सुनत नहीं है।