दादी हमके बस आप क दया-दृष्टि चाही...

Ghazipur Updated Wed, 20 Jun 2012 12:00 PM IST
ख़बर सुनें
गाजीपुर। सब भइया लोगन के हमार प्रणाम। आईं नेता जी। अऊर बताई चुनाव प्रचार ठीक चलत बा ना। ह भइया लोगन हम कउनो कोर-कसर ना छोड़त बाड़ी, बाकी आप लोगन क जऊन कृपा होई। हमनी के कृपा खातिर आप निश्चित रही नेता जी। ईहा जेतना लोग बइठल बाड़न, समझ ली कि कुल आपके खाता क वोट ह। आप खाली ऊ क्षेत्र क दौरा करी, जहां आपके ई मालूम ह कि उहां आप क वोट ना ह। शायद आपके घूमले से लोगन क मन भी घूम जाए। काहे की ई निकाय चुनाव ह, एकर राजनीति विधानसभा अऊर लोकसभा से बहुत खराब ह। आप एतने से समझ लेई कि हमरे घर के ठीक बगल वाले चुनाव लड़त बाड़न। हम उनके पसंद ना करिला, मगर रोज हाथ जोड़िया करत बाड़न त उनके ई भरोसा दिया देत बाड़ी कि हमार वोट उनही के चुनाव निशान पर पड़ी। तू सही कहत बाड़ा राजू भइया, मगर वोट त हाथ जोड़ी के ही मांगे के पड़ी न। ई बात अऊर ह कि मतदाता लोगन हाथ जोड़े क केतना लाज रखिहन। लेई नेता जी हमरे क्षेत्र में आप क लगत ह काम बन गईल। काहे भइया। ऊ देखी जऊन दादी आवत हई, ऊ ई क्षेत्र कमेठ हई। उनकर लोग एतना इज्जत करेलन कि ऊ जेहसे जऊन कह दिहन, ऊ कर दिहन। अच्छा ई बात ह। हम अबही दादी से मिलत बाड़ी। दादी प्रणाम। तू के हऊआ भइया। हम तोहके पहचानत ना बाड़ी। हमके दादी आपन बेटा समझा। हम अध्यक्ष पद पर चुनाव लड़त बाड़ी, अऊर हमके आप क दया-दृष्टि चाही। हमार केहू पर का दया-दृष्टि होई भइया। हमार त खुदे पैर कबर में लटकत बा। दादी हम बस एतना चाहत बाड़ी कि तू हमरे खातिर क्षेत्र में खाली हाथ हिला दा। तोहरे हाथ हिलावे के बाद मतदाता लोगन हमके हाथों-हाथ ले लिहन। अच्छा दादी अऊर भइया लोगन हम चलत हई, अऊर लोगन से भी मिले के बा। ठीक ह चली नेता जी। वाह रे राजू भइया। तू त नेता जी के दिनवे में जीत क सपना देखा देहला। अरे भइया ई नेता लोगन बरसाती मेंढक होलन, चुनाव आयल त टर-टर करे लगलन। हम त सबसे बस यही कहब की सुना लोगन नेता जी क, मगर करा आपन मन के ।

रहें हर खबर से अपडेट, डाउनलोड करें Android Hindi News App, iOS Hindi News App और Amarujala Hindi News APP अपने मोबाइल पे|
Get all India News in Hindi related to live update of politics, sports, entertainment, technology and education etc. Stay updated with us for all breaking news from India News and more news in Hindi.

Spotlight

Most Read

Varanasi

पत्नी को छोड़ फेसबुक फ्रेंड से कर ली शादी

पत्नी को छोड़ फेसबुक फ्रेंड से कर ली शादी

21 मई 2018

Related Videos

जा रही थी बारात, लेकिन हुआ ऐसा कि पसर गया मातम, 7 की मौत

गाजियाबाद में एक दर्दनाक हादसे में सात लोगों की मौत हो गई। बताया जा रहा है कि ड्राइवर की लापरवाही से कार 20 फीट गहरे नाले में जा गिरी। हालांकि आनन-फानन में घायलों को हॉस्पिटल में भर्ती कराया गया लेकिन तब तक देर हो चुकी थी।

21 अप्रैल 2018

अमर उजाला ऐप चुनें

सबसे तेज अनुभव के लिए

क्लिक करें Add to Home Screen