आपका शहर Close
Hindi News ›   Kavya ›   Mere Alfaz ›   Hariyanvi Kavita

मेरे अल्फाज़

हरियाणवी कविता

Rahul Insan

2 कविताएं

7 Views
याद सै(हरियाणवी)*


बिना बात कै बाबू तै पीटणा याद सै,
माँ के आँचल म्है जाकै छिपणा याद सै।

तीरछी माँग पाड़ नया सैट पेहर कै,
नहा धो कै रेत म्है लिटणा याद सै।

वा पेपूँ-पेपूँ की आवाज गाल म्है सुणकै,
कुल्फी खातर खाली बोतलां का बिकणा याद सै।

लुक-मिचाई खेलदी हाण कूण म्है धरे
भाज कै उस तांसले तलै छिपणा याद सै।

चीनी रला कै स्याही की डिबिया म्है,
अ अनार अर पहाड़ै तख्ती पै लिखणा याद सै।

टोली बणाकै जोहड़ म्है नहान्दी हाण उछाली
उस ईंट म्है बहु का दिखणा याद सै।

सोजो,ना तो बाऊआ आ जैगा, सुणकै न्यू,
जागदे जागदे भी आँख्यां नै मिचणा याद सै।

टका लाग कै फूट जाया करदी खेलदी हाण उस,
एक कंचा-गोली खातर कई घंटे रोणा चीखणा याद सै।

याद सै एक रपिया की वें संतरा की 16 टोफी,
शक्तिमान के स्टीकर का बां पै चीपणा याद सै।

गाल आली नाली म्है चालती कागज की कस्ती,
अर मिंयो-मियों कह कै बूंदा म्है भीजणा याद सै।

ओ 52 गज का दामण, ओ लाकड़ी का संदूक,
अर दादी का ओ 9 डांडी का बीजणा याद सै।

पाणी के बहाने टोकणी ठाकै उसका कुआ पै आणा,
अर बाट म्है आँख्यां का उस रा पै टिकणा याद सै।

स्कूल म्है जो लागया करदे उन टीकयां का डर,
अर मास्टर का कान पकड़ कै उपर खींचणा याद सै।

होली, दीवाली,तीज-त्यौहार के दिन माँ का,
घर-आंगण, चूल्हे-चौंके नै गोबर तै लीपणा याद सै।

याद सै " *राहुल* " कोये गैर नी,सारे के सारे आपणे थे,
खुले आंगण मेहमान खातर खाट का बिछणा याद सै।

 *राहुल लोहट*
गाँव खरड़वाल तहसील नरवाना जिला जीन्द
सम्पर्क सूत्र-8168405003




हमें विश्वास है कि हमारे पाठक स्वरचित रचनाएं ही इस कॉलम के तहत प्रकाशित होने के लिए भेजते हैं। हमारे इस सम्मानित पाठक का भी दावा है कि यह रचना स्वरचित है। 

आपकी रचनात्मकता को अमर उजाला काव्य देगा नया मुक़ाम, रचना भेजने के लिए यहां क्लिक करें
सर्वाधिक पढ़े गए
Top

Other Properties:

Disclaimer

अपनी वेबसाइट पर हम डाटा संग्रह टूल्स, जैसे की कुकीज के माध्यम से आपकी जानकारी एकत्र करते हैं ताकि आपको बेहतर अनुभव प्रदान कर सकें, वेबसाइट के ट्रैफिक का विश्लेषण कर सकें, कॉन्टेंट व्यक्तिगत तरीके से पेश कर सकें और हमारे पार्टनर्स, जैसे की Google, और सोशल मीडिया साइट्स, जैसे की Facebook, के साथ लक्षित विज्ञापन पेश करने के लिए उपयोग कर सकें। साथ ही, अगर आप साइन-अप करते हैं, तो हम आपका ईमेल पता, फोन नंबर और अन्य विवरण पूरी तरह सुरक्षित तरीके से स्टोर करते हैं। आप कुकीज नीति पृष्ठ से अपनी कुकीज हटा सकते है और रजिस्टर्ड यूजर अपने प्रोफाइल पेज से अपना व्यक्तिगत डाटा हटा या एक्सपोर्ट कर सकते हैं। हमारी Cookies Policy, Privacy Policy और Terms & Conditions के बारे में पढ़ें और अपनी सहमति देने के लिए Agree पर क्लिक करें।

Agree
Your Story has been saved!